ია ჯღარკავა საშუალო სკოლა „ლამპარის“ ქართული ენისა და ლიტერატურის მასწავლებელია. იგი გახლავთ ჟურნალ „მასწავლებლის“ ერთ-ერთი ავტორი, აგრეთვე ავტორი ლექსების კრებულისა და მცირე პოპულარულ-საკითხავი წიგნისა სამეგრელოს ფოლკლორითა და ტრადიციებით დაინტერესებულთათვის. ტელეკომპანია GM TV-ზე უძღვება საავტორო საზოგადოებრივ-საგანმანათლებლო გადაცემას „სადგურებს შორის“. მისი ლექსები იბეჭდება „მწერლის გაზეთსა“ და მარტვილის მხარეთმცოდნეობის მუზეუმის ჟურნალ „სათანოში“. გახლავთ ფონდ „დიასპორების ალიანსი საქართველოსთვის“ ონლაინგაკვეთილების მიწვეული პედაგოგი. ძალიან ბევრ საქმესთან ერთად უკრავს ფორტეპიანოზე და იცავს მიუსაფარ ცხოველთა უფლებებს.